I januar går oppdagarar og stifinnarar i heile landet julebukk for å samle inn pengar til eit skuleprosjekt som KFUK-KFUM Global arbeider med på Madagaskar. Familien Gylver er på Madagaskar og du kan følge prosjektet og livet deira der gjennom bloggen til Sunniva.
Nytt i år er pappbøssene som speidarane kan ha heime i jula og utover nyåret. I juleferien får familien ofte besøk av slektningar og vener. Ha bøssa liggande framme på kaffibordet, så kan alle legge på litt pengar. Fortell også om prosjektet pengane går til. Les i siste speiderblad eller på kalenderen.
I jula brukar vi nordmenn mykje pengar på mat og gåver. Det er kjekt å kose seg litt ekstra og gje noko fint til dei ein er glad i. Men kanskje kan nokre kroner hamne i bøssa, slik at barn på Madagaskar kan få noko av det vi tar for gitt, som til dømes skulegang og mat.
Bestill fleire bøsser ved å ringe forbundskontoret på 22 99 15 50.